انا بس بحلم اكون نفسي
حلم صغيرحلم قصير
بس ده برضو حلمي
ألف الكون
أعيش اليوم
لحظة حلوة
بسمة غنوة
دنيا صغيرة حياة قصيرة
بس هي دي دنيتي
شلة صحاب
لمة زمان
كبيات تدور
شايلة شاي أو عصير
شيبسي كبير
مولتو كبير
بس هي دي دنيتي
صحبة حلوة
غنوة أحلى
بس هي دي غنوتي
لما كان يقول قمر
هنحب أيامنا هنعيش في لياليها
ولو أنجرحنا يا دنيا ما إحنا حلفين نعديها
كانت تدينا قوة
نحقق حلمنا في عقلنا
بس للأسف صحينا
لقينا حلمنا متكسر على أرضنا
بيبص علينا عاتب علينا
مكنش جد مكنش حلم
ده كان خيال
حتى لما الحب جه
رقة مشاعر حب وحنان
صدمة عواطف حيرة زمان
بطل علينا من ألف باب
منتظرة الجواب
وصل الطريق للنهاية
وقفت حايرة وقفت ساكنة
قابلت شخص من زمان
قاللي تعالي نحي اللي فات
أنا قلت لاءة
ده بكرة يمكن يكون جديد
ضحك لي هوه وقال
ده بكرة عمره ما يكون جديد
ده بكرة دايما ماضي السنين
تعيشي تاني تحبي تاني
أنا مش أناني أنا بس عاوز أكون نصيبك
أكون عيونك تشوفي تاني حبي اللي كان
أنا قلت لاءة
رفضت حبك من البداية
مش عايزة أحبك لا تكون حبيبي
البعاد قفل القضية
الزمان هيلف بينا
يمكن يكون فيه الدوا
بتكون قاسية لحظة لقانا
بتكون ضعيفة كلمة حبيبتي
أنا عقلي تاه ويا الخيال
شايله هموم كل البشر
وبرضو بحلم ببيت صغير
طفل صغير عربية حلوة
وعجلة أحلى بيوت أزاز
عصافير ورق مناديل قماش
كراريس كتب
لسه بحلم أكون سفير
سلام أمان حب وحنان
بين البشر
يمكن تكون دي النهاية
يمكن تكون دي البداية
بس حلمي يبقى دايما
قدام عيوني
بصه عليه أملي فيه
يمكن يجي يوم عليه
ألاقي حلمي بين إيديا
ويوم ما يبقى
هأكون إنسان
إنسان سعيد
إنسان جديد
إنسان بيوصل رغم كل شيء
بيعد قرشه
يحارب زمنه
برغم حبه مش أناني
برغم عشقه مش وصولي
بس هيكون الزمان
عنده أقوى من الحبيب
من الصديق
من اللي فاتهم من سنين
من بعيد يجي الأمل
راكب حصانه لحظة وصوله
يفتني تاني أعيش حياتي لحد تاني
يجي الأمل بس بكرة هيكون جميل
هيكون أصيل
برغم كل شيء
هأكون أنا لحظة وصوله حبي الوحيد
هأكون أنا بعيدة عنك قريبة منك
مش مهم
المهم إن الزمان يجود علينا
بلحظة لقى
الدموع هتكون حبيسة
المشاعر هتكون كتيرة
وبعدها من تاني الفراق
ويخلص عمري ولسه بحلم أكون إنسان
مدينة الحزن والالم
هناك تعليق واحد:
إرسال تعليق